விளம்பி நாகனார் இயற்றிய நான்மணிக்கடிகை பதினெண் கீழ்க்கணக்கு நூல்களுள் ஒன்று ! இந்நூல் சங்ககாலத்தைச் சேர்ந்தது ! பாடல் தோறும் நான்கு கருத்துகளை எடுத்துரைக்கிறார் இந்தத் தமிழறிஞர். இதோ உங்களுக்காக ஒரு பாடல் !
---------------------------------------------------------------------------------------------
பாடல் எண்: (73)
--------------------------------
ஊர்ந்தான் வகைய கலினமா – நேர்ந்தொருவன்
ஆற்றல் வகைய வறஞ்செய்கை தொட்ட
குளத்தனைய தூம்பின் அகலங்கள் தத்தம்
வளத்தனைய வாழ்வார் வழக்கு.
---------------------------------------------------------------------------------------------
சந்தி பிரித்து எழுதிய பாடல்:
---------------------------------------------------------------------------------------------
பதி நன்று பல்லார் உறையின்; ஒருவன்
மதி நன்று மாசு அறக் கற்பின்; – நுதி
மருப்பின்.
ஏற்றான் வீறு எய்தும் இன நிரை; தான்
கொடுக்கும்
சோற்றான் வீறு எய்தும் குடி.
----------------------------------------------------------------------------------------------
கருத்துரை:
-----------------------
கடிவாளம் பூட்டிய குதிரைகள் அவற்றில் ஏறிச் செலுத்துபவரது
திறமையைப் பொறுத்து இயங்கும் !
ஒரு மனிதன் செய்யும் அறச் செயல்கள், அவனது
செல்வ வளத்தின் திறத்துக்கு
ஏற்பச் செழுமை பெறும் !
குளத்தின் ஆழ அகலத்தின் திறத்துக்கு ஏற்பவே, அதிலிருந்து
வெளியேறும் நீர்க்காலின் மதகும் அமையும் !
இல்வாழ்வாருடைய வாழ்க்கைச் செயல்கள் அவரவரது வருவாய்ச் செழுமைக்கு
ஏற்பவே அமையும் !
----------------------------------------------------------------------------------------------
சொற்பொருள்:
-----------------------------
கலினமா = கடிவாளம் பூட்டிய குதிரைகள் ; ஊர்ந்தான்
வகைய = அவற்றை ஏறிச் செலுத்துவானது திறத்துக்கு ஒத்தன ; அறம்
செய்கை = அறச் செயல்கள் ; நேர்ந்த ஒருவன் = இசைந்த
ஒருவனது ; ஆற்றல் வகைய = ஆற்றலைப் பொறுத்தன ; தூம்பின்
அகலங்கள் = நீர்க்காலின் பரப்புகள் ; தொட்ட = தோண்டப்பட்ட ; குளத்து
அனைய = குளங்களின் அளவின ; வாழ்வார்
வழக்கு = இல்வாழ்வாருடைய வாழ்க்கைச் செய்கைகள் ; தத்தம்
வளத்து அனைய = அவரவரது வருவாய்ச் செழுமையை ஒத்தன.
---------------------------------------------------------------------------------------------
சுருக்கக் கருத்து:
---------------------------------
குதிரைகள் சவாரி செய்வானது திறத்துக்கு ஒத்தன ; ஒருவனது
அறச் செயல்கள் அவன்றன் ஆற்றலைப் பொறுத்தன ; நீர்க்காலின்
அகலங்கள் குளத்தின் அளவின ; இல்வாழ்வார் வாழ்க்கைகள் அவரவர் வருவாய்ச் செழுமையை ஒத்தன.
--------------------------------------------------------------------------------------------
ஆக்கம் + இடுகை;
வை.வேதரெத்தினம்,
ஆட்சியர்,
”நான்மணிக்கடிகை” வலைப்பூ,
[தி.ஆ:2052,நளி (கார்த்திகை),26]
{12-12-2021}
----------------------------------------------------------------------------------------------
